Nongpoh, 15 Ïaiong: U Bah EK Lapang u ba dei u Rangbah Shnong barim ka shnong Saiden u la shah jied biang kum u Rangbah Shnong ba thymmai ha kane ka kynti ba mynta hadien ba ki paidbah ka shnong Saiden kila ibit biang ba un shimti ïaka lyngkor kum u Rangbah Shnong.
Ïa ka jingjied Rangbah Shnong la pynlong haka 16 tarik ïaiong ha kaba ki paidbah ki la mih ryntih 2 ngut shi ïing bad ïaka jingthep vote la pynlong da ka Secret Ballot ha kaba ka jingjied ïa u Rangbah Shnong bad Secretary Shnong kala long kaba ïaid beit ïaid ryntih.
Ha katei ka jingjied ki paidbah kila ibit biang ïa u Bah EK Lapang ban shimti ïaka kam Rangbah Shnong bad u Evensis Jones Myrthong kum u Secretary shnong. Ïa ka jingpynskhem bad pynspong pura ïa u Bah EK Lapang kum u Rangbah Shnong yn pynlong haka 29 tarik mynta u bnai.
