Jowai, Nailur 07: Ka jingïakhun ka lympung phutbol (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long hynne ka sngi Nyngkong (07 tarik u Nailur, 2026) ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Lad Mukhla kala jop da 3-0 kol ïaka Maitchaphrang FC, ïa kitei ki kol na ka Lad Mukhla la thep da u Edison Challam haka minit ba 7, u Iohkmenlang Mukhim ula kum thep bakla (own goal) haka minit ba 23 bad u Phalangki Sumer haka minit ba 57.
Haka jingïakhun kaba ar hapdeng ka Laru SC bad ka Moobakhon Tyllilang FC kila poi sha ka jingïakhaid khlem don kiba ïoh ban thep kol (0-0).
Katba ha ka jingïakhun kaba lai ka Mainroad Nartiang SC kala jop da 5-1 kol ïaka Umladang Shiparalok FC, ïa ki kol na ka Mainroad Nartiang SC la thep da u Ebanskhem Nongtdeh saw kol ha ka minit ba 13, 21, 35 & 65 bad u Pele Dkhar haka minit ba 35. Ïa ka shikol na ka Umladang Shiparalok FC la thep da u Ribha Myrboh haka minit ba 68.
La pyntip ka jingïakhun haka sngi 08/09/2026 haka por 10 baje mynstep ka Thadmynri SC pyrshah ïaka Mukhla Nongrim, haka por 12 baje mynsngi ka Niriang SC pyrshah ïaka Kremmyrsiang Youth Club SC. Katba haka por 2 baje nohphai sngi ka Tympang Club Iongchiwiat pyrshah ïaka Lumkynsaw.
