Torti ka surok siang rong ha surok Proiñ-Rimardon

0

Nongstoin, K’lyngkot, 11: Ka Hynñiewtrep Youth Council Mawshynrut Circle mynta ka sngi ka la leit ïakynduh ïa u EE PWD Nongstoin bah F.Sohlang hadien ka jingbym hun ïa ka jingtrei black toping ïa ka surok na Porla sha Rimardon kaba 3 kilometer.
Ka HYC Mawshynrut circle ryngkat ki Nongïalam Shnong Proiñ, kam I hun ïa ka jingtrei ïa ka tei ka surok, namar ka jingsiang rong ka stang palat bad ruh ka tlot ban ai rong. Nangta ka jingbym biang ki nala bad muri ba ïaid ka um bad ha shwa ban siang ym shym la pynmadan bha ha ki jaka ba don ki maw bad la shu siang ha jrong ki maw, kaba ym I don jingkyrmen ba kan neh. Na ka liang u EE u la kular ban shimkhia bad u la ong ruh ba un leit jurip ïa katei ka surok ryngkat ki Contractor.

Leave A Reply

Your email address will not be published.