Thikna u Bah Hek ban wanphai biang ka BJP ha ka bor ha ka Sorkar Pdeng

0

Shillong, ïaïong, 16: U nongïalam ka BJP uba dei u myntri sorkar u bah A.L Hek u la pynpaw ïa ka jingsngew thikna ba ka BJP kan wan phai biang ha ka bor ha ka sorkar pdeng hadien ka election MP Lok Sabha ka ban long ha u 2024.
“Lada phi ong kumno kumno ruh u Myntri Rangbah duh u Narendra Modi u la thikna ban wan phai biang ha ka bor 100 na ka 100 percent bad un ïalam biang ïa ka sorkar ha ka sorkar pdeng” ong u bah A.L Hek.
Kumta u la ong, ka jingkyrpad jongu ïa ki paidbah ka long balei ban pynsep ei kai ïa ki Vote jongki jied beit ïa ka BJP ka ban wan ha ka bor bad synshar ha ka sorkar pdeng.
U bah Hek u la ïathuh ba ka BJP kan pynïakhun kyrtong beit na baroh ar ki Parliamanetary Constituency kata nangne na Shillong bad Tura ha kane ka election MP Lok Sabha .
“ïa ki kyrtong haduh mynta ngim pat ïarai” ong u bah Hek. U la ong ruh ba ka BJP ka pdiang sngewbha ïa kino kino kiba wan ban kyrshan ïa ka Party. U la ong ruh ba ki paralok ha ka MDA kata ka NPP bad UDP ruh kin pynïeng la ki jong ki kyrtong ha kane ka election MP Lok Sabha.
“ Kan long kumjuh kum ha ki election ba la dep wat la ïatrei lang ha ka sorkar hynrei ha ka election baroh ki party ki pynïakhun beit la ki jong ki jong ki kyrtong.

Leave A Reply

Your email address will not be published.