Shillong, Jylliew 16: Ki samla pule naka jaidbynriew Hajong hynne ka sngi kila pynlong ka jingthang mombiti ha Khyndai Lad ban sngewlem halor ka jingkhlad noh ki shijur kiba dei na ka jaidbynriew Hajong, kaba la wan ban ïa shim bynta lang bad kiwei ki riew paidbah.
Ha kane ka jingthang mombiti ki samla pule ka jaidbynriew Hajong kila dawa na ki bor Pulit bad Sorkar ban pynlong ka jingtohkit kaba bniah bad kaba khlem shah liang ïa ka jingïap ki shijur kaba la lap na kawei ka sem ap ha Lumsohphoh, Nongthymmai Shillong.
Kum ban shu kdew ba haka step 14 tarik Jylliew ki riew paidbah kila lap ïaki met ïap jong ki shijur ha kawei ka sem kaba don haka surokbah ban leit sha Nongthymmai.
Kine ki shijur kidei kiba latipkyrteng kum ka Pronome Hajong (22 snem ka rta) na Balat, South West Khasi Hills bad u Simanta Hajong (21 snem ka rta) na Ranikor South West Khasi Hills.
Ka Samla Joti kala ong ba watla ki Pulit ki kdew ba dei namar ka jing phasi hynrei ka rukom lap ïaki metiap ka long kaba sngewphylla bad kaba buh dak jingkylli. “Namar kata ngi dawa naki Pulit bad naka Sorkar ban shim khia halor kane khnang baka jingtohkit kan long kaba khuid bad ka bym shah liang” kala ong.
Haba phah ïaka khubor sngewlem shaki longiing, ka samla Joti kala ong “Nga don hangne ym tang kum ka President hynrei kum ka hynmen jong ki samla bala duh noh ïala ka jingim, ngi don hangne naki jaidbynriew bapher bapher bad ngi don hangne ban sngewlem bad kynmaw ïa kito kiba la duh noh ïala ka jingim”.
