Khliehriat iaiong 24: Ki pulit ka East Jaiñtia Hills District, myn ha ka 17 tarik mynta u bnai ki la leit tam ïa kawei ka met iap kaba per ha um ha ka wah Mooniangram ha Wapungskur bad la ong ba utei u rangbah u dei ha ka kyrta antad 50 snem kyrta, la lap ïa ka met jong u khlem phong jaiñ tang ka patlum poh.
Na ka liang ki bor pulit ki la pyndep ïa ki ba donkam kiba katkum ka aiñ bad ïa ka met jong utei u rangbah ki pulit ki la buh ha ka jaka buh met iap ha Khliehriat CHC bad kat haduh mynta ym pat shym la don ki ban wan kam trai ïa katei ka met iap jong utei u rangbah.
La ong shuh shuh, ba ki don ki briew kiba iohi ïa utei u rangabah myn ha ka 16 tarik mynta u bnai ba u dang iaid ha ki thaiñ Ladrymbai bad Mookhep bad u don ka dur khmat kaba don jingshitom ha ka met.