Shillong, Rymphang 25 : Ha ka sngi ba wan iuhkjat u Myntri Rangbahduh ka Ri, u Narendra Modi sha Shillong, ka la pynjynjar bad pynsyrtok ïa ki paidbah nongleit nongwan kiba leit sha ki kam ki bapher bapher.
Shi kynta shuwa ban wan ïuhkjat u Myntri Rangbahduh ka Ri, ki kali ki la shah khang lynti bad ki paidbah kim lait ban ïaid ha ki katto katne ki jaka.
Na ka liang ki paidbah kiba ïaid lynti ki la pynpaw ïa ka jingdom jingbitar ïa ki nongpynïaid kiba khang lynti ïa ki ban ïaid bad kane ka jingleh ki pulit, ka la ktah ïa ka kam ka jam jong ki namar kiba bun kidei kiba leit sha ki jaka trei, sha ki jaka sumar, sha ki ïew ki hat.
Na ka liang ki nongñiah kali kamai, ki la pynpaw ïa ka jingdiaw mynsiem namar ki sahkut hajuh haduh shiteng sngi kaba la pynlong ïa ki ban duh ïa ka kamai kajih ka jong ki, bad wat ki khynnah skul, kim lap por shuh ban beh sha ki jaka pule ka jong ki.
