Syrtok ki paidbah bad jur ka dheng kali ba slap jur bad shlei um ha ki thaiñ 15 mer bad ha Jorabat

Nongpoh, Naitung 08: Ka jingshlei um haki thaiñ 15 mer haduh Jorabat khamtam haki bynta ka khrum jingkieng kam dei shuh kaba dang thymmai bad man ba wan ka aiom slap ki paidbah kila hap ban pynkhreh lypa namar ka jingshlei um naka jingbym biang ki nala tuid um.
Kane ka jingshlei um kala wan ruh hadien u lapbah ba jur u la neh kumba katto katne kynta, kaba la wanrah ka jingshlei um ha kiba bun ki bynta jong u surok bah National Highway, kaba la wanrah ruh ka jingdheng kali kaba jur namar ki kali kim lait shuh ban leit khamtam ha Jorabat bad bun tylli ki dukan kila shah ktah.
La sakhi ruh namar ka jingkhlaiñ jong ka um wat ki kali kila shah rong bad hah tap haka um, hynrei kumba la ioh lum khubor ka shym don kano kano ka jingjia ba sngewsih ne jingmynsaw.