Synran u MLA ba rim ba leit thep kyrteng u kyrtong ka NPP na Mylliem

0

Shillong, K’lyngkot 31 : U Kyrtong ka National People’s Party (NPP) na Mylliem Bah Finestar Kharkongor, ula pyndep ïa ka jingthep kyrteng ban ïakhun ïa ka elekshon KHADC, ka ban long ha ka 21 tarik u Rymphang.
U Bah Finestar ula leit thep kyrteng hakhmat u Returning Officer ha Inter State Bus Terminus (ISBT) ha Mawlai Mawiong bad la synran ïa u da ki Nongïalam ka NPP, ki bahaïing hasem bad ki paralok parajor nalor ki nongkyrshan.
U MLA bad Myntri barim ka Sorkar uba bat mynta kum u State Working President ka NPP Bah Hamletson Dohling, ula ïadonlang ban synran ïa u Bah Finestar ha kane ka sngi.
Haba ïakren bad ki nongthoh khubor, u Bah Finestar ula pynpaw ïa ka jingsngewskhem ba un ïoh ïa ka jingjop ha kane ka elekshon haba pynpaw ïa ka jingangnud ban shakri ïa ki paidbah ka Mylliem bad ban wanrah ïa ki jingkylla ki ban ai shibun ki jingmyntoi ïa ki nongshong shnong ka constituency.

Leave A Reply

Your email address will not be published.