Shillong, Nailur 02: Ka kynhun ïalehkai ki thei ka jylla Meghalaya ki la mad ïa ka namrem haduh 10 kol hakhmat ka Bihar ha ka jingïalehkai kaba nyngkong jong ki ha ka Sub-Junior Girls’ National Football Championship (Tier 1) kaba long ha Malda, West Bengal ha ka Lah Sngi U Blei.
Nalor ka Bihar, ha kane ka lympung ka Meghalaya ka la shah pynngat ha ka Group B ba kynthup ïa ka Gujarat bad Karnataka.
Ha kane ka jingïakhun, ka Bihar ka la lamkhmat lypa da 4-0 kol ha ka kylla step bad pynkhih sa hynriew kol ha ka kylla kaba ar ban khur ïa ka namjop kaba suk. Ka Anshu Kumari ka la khyrwit haduh san kol na bynta ka kynhun.
Ka Meghalaya kan pynkhreh ban aireng sa ïa ka Karnataka ha ka 04 tarik mynta u Nailur.
Ki thei ïalehkai ka jylla Meghalaya kiba la mih madan ha kane ka jingïakhun:
Dawansaphi Snaitang (GK), Banyllashisha Nongkhlaw, Daficare Lyngkhoi, Nishalin Nongrum, Albela Iangjuh, Ephibat I Malieh (sub Laiahunlang Nongrang 20′ (sub Daphinia Rympei 55′)), Jenisha Rani, Deiphiwansara Lyngkhoi, Bandabetshisha Nongrum, Saralang Lapang, Shirley N Marbaniang (sub Mayanylla Syiemlieh 86′)
