Shillong, Nailur 08: Ka lympung lehkai jong ka SSA U-20 4th Division Football League 2023 kaba la long hynne ka Sngi Thohdieng ha madan, 3rd Ground MFA Turf, Polo.
Ka jingïalehkai kaba nyngkong ha ka por 3:30 nohphaisngi, ka Madanrting SC ka la mad ïa ka namrem da 0-1 kol ha ka Mawphlang SC. ïa kane ka shi kol na ka bynta ka Mawphlang SC la thep da u Mebateinam Dohtdong ha ka minit kaba 29.
Ha ka jingïalehkai kaba ar kaba la long ha ka por 5:30 janmiet, ka Kharang SC ka la jop salit da 1 – 0 kol ïa ka Mawkasiang SC.
Kane ka shi kol la thep da u Pasborlong Khonglukong- ha ka minit kaba 28.
Ka jingïakhun mynta ka sngi kan long ha ka por 3:30 nohphaisngi, ka jingïalehkai kaba nyngkong kan long hapdeng ka Mawpdang SC pyrshah ïa ka Pynthorbah SC.
Ha ka jingïakhun kaba bud ka ban long ha ka por 5:30 baje janmiet, ka Lummawbah SC ka ban sa aireng pyrshah ïa ka Riatsamthiah SC.
