Sngewsamrkhie u nongïalam ka BJP ba byrngem ka Bangladesh ban knieh ïa ka NE

Shillong, K’Lyngkot 05: U Nongïalam jong ka Bharatiya Janata Party (BJP) Meghalaya Paradesh u la pynpaw ïa ka jingsam phuh rkhie ïa ka jingbyrthen na ka ri Bangladesh kiba ong ban knieh noh ïa ki jylla ka thain shatei lam mihngi.
Haba ia kren bad ki lad pathai khubor u Bah Wankitbok Pohshna uba dei u State General Secretary ka BJP Meghalaya Pradesh u la ong kane ka jingbyrthen napoh ka ri Bangladesh ngin ym lah ban pdiang.
“Sngew sam rkhie ïa kane ka jingbyrthen ban knieh noh ïa ki jylla ka thain shatei lam mih ngi, namar ba ngi don ha ka ri India kaba khlain bor bad ka skhem” ong u Bah Pohshna.
Shuh shuh u la ong, “Wat la katta ngi sngewkhia namar ki dang don bun ki jaka ha kaba ka jingker sainar shiah kim pat dep lut, kumta u la buh ka jingkyrpad ban pynsted noh ïa kane ka kam ker sainar shiah”.
U Bah Pohshna u la iathuh ba u Union Home Minister u Amit Shah u la dep ban bthah ïa ka party bad ngeit skhem kala don ka jingshim khia halor kane ka bynta.
Shuh shuh u la ong ha manla ki constituency kiba don hapoh ki jaka khappud bad ka ri Bangladesh la phah ban da peitngr bha bad ki shipai ïada khappud ruh kila leh la ka jong ka kam na ka bynta ka jingshngain ka khappud bad kumjuh ka ri hi baroh kawei.