Shillong, Risaw 10: U Myntri Rangbah ka jylla u Conrad K Sangma ha ka sngi Palei u la pynpw ïa ka jingsngewsih halor ka jingkhlad noh jong uwei na ki riew rangbah ka Ri India u Ratan Tata, ym tang ba u wan rah ka jingkylla ha ki kam karkhana ne ïa ka kompeni Tata hynrei bun bah ki kam kiba khraw kiba u la leh.
Kaba kham kyrpang ha ka jinglong jong u tei u riew rangbah ka ri, kaba kyrpang eh ka dei ka jingsbun jong u ha kiba bun ki liang bad kane ka jingsbun jong u ka ban pynsah kynmaw, ka jingsngewrit bad ka jinglong shida, ong u Myntri Rangbah.
“Watla ngam don kano kano ka jingïadei kaba wan markhmat, hynrei ha Meghalaya la pyntrei ïa ka skhim Meghalaya BB ba la kyrshan da ka Tata Trust bad ha ka por COVID la ïohi ba bun ki jingkyrshan kiba la ai na ka kynhun jong u tei u riew khraw kane kam dei tang ïa ka jylla Meghalaya bun kiwei kiwei ki jylla,” ong u Myntri Rangbah ka jylla ha ka kyrwoh khubor.
U la ong ba u Tata u la wan rah ka jingkylla ym tang ha kompeni hynrei bun kiwei kiwei ruh ki bynta bad ha ki jingkylla ha ka rukom treikam ruh, u tei u riew rangbah ula buh shadien ïa ki mati kiba u la trei bad ka long kaba kaba eh ban pyndap ïa kane kaba la sah thylli.
U Myntri Rangbah ka jylla u phah ïa ka khubor sngewlem halor kane ka jingkhlad noh u ne u riew rangbah uba la kyntiew ïa ka ri ha ka ïoh ka kot bad ki kam kiba bha ha kiba bun ki liang.
