Sngewdiaw ka SWSEJHD halor ka jingshah kren u DC da ki tien khlemakor

0

Khliehriat, Nailar 30 : Ka Synjuk ki Waheh shnong-East Jaiñtia Hills District, ka pynpaw ka jingsngew diaw halor ka jingshah kren u Deputy Commissioner da ki ktien kiba khlemakor kaba long katkum ba la paw ha ki pathai khubor bad ruh ka jingshah kynnoh ba u DC bad u PSO jong u ki la ktah kti ïa uwei u nongñiah Mahindra Pickup.
La ong ba hadien ba la iohi na ki social media, ïa kaei kaba la jia, ki nongïalam bad ki dkhot jong ka Synjuk ki Waheh shnong-East Jaiñtia Hills District, ha ka sngi kaba bud ki la leit ban ïakynduh ïa u Deputy Commissioner, u Abhilash Baranwal bad pan jingpynshai na u halor kaei kaba la jia
Katkum u kyrwoh la ong ba, ka Synjuk ki Waheh Shnong-East Jaiñtia Hills District, ka sngewlyngngoh mar syn iohi ïa ka khubor bad kumta ha ka sngi kaba bud ki nongïalam ka Synjuk hapoh ka jingïalam jong u President, u bah H. Nongtdu, ryngkat ka jing ïa don lang u Dr. P. Nongtdu bad katto katne ngut ki riewpaw khmat jong ka thaiñ, ki la ïa leit ban ïa kynduh ïa u Deputy Commissioner ka East Jaiñtia Hills District, u A. Baranwal, ha kamra trei kam jong u bad ki la pan jingpynshai halor katei ka khubor kaba la mih ha ki lad pathai khubor.
La ong ruh ba hadien ka jingpynshai jong u Deputy Commissioner, ka Synjuk ki Waheh shnong bad ki riew rangbah ba paw khmat jong jong ka thaiñ, kila pynpaw ka jingsngew diaw ïa ka shah kren pyrshah u DC da ki kyntien ba khlemakor bad ong ba kane ka la pyni ïa ka jing bym burom shuh ïa ki riewrangbah, khamtam ïa u khliehduh jong ka district. Ka Synjuk ka pynrem ïa kane ka jingjia kata khlem da thew ïa ki jingduna jongno jongno ruh bad ka kyntu ruh ba nangne shakhmat ba kam dei shuh ban dang jia kum kine ki jingjia.
Shuh shuh ka Synjuk ka kyrpad ïa ki para nong shongshnong jong ka district ba kin wan sha ka jingiasngewthuhjingmut ïa kaei kaei kaba la jia bad ruh ban klet noh ïa katei ka jingjia khnang ban wanrah ïa ka roi ka par bad burom jong ka district, pynkut u kyrwoh.

Leave A Reply

Your email address will not be published.