Jowai, Rymphang 23: Kum shi bynta na ka jingbud ryntih ïa ki kyndon jong ka General Election sha ka ïing Dorbar thawaiñ jong ka jylla Meghalaya 2023 bad ka jingpyntreikam ïa ka kyndon 126 jong ka aiñ Representation of People Act 195, na ka liang jong u District Election Officer, West Jaiñtia Hills ula pyntip ba yn khanglut ïa baroh ki jait jingïalang paidbah ne ki jingïaid paidbah hapoh ka 48 kynta shwa ban poi ka jingïathep vote.
La khang ruh ïa ka pynmih ne pyni ïa kino kino kiba don jingïadei bad ki kam elekshon, katkum ka kyndon 129 (3) jong RP Act 1951, lyngba ki TV, ki Cinema ne kiwei ki lad phathai khubor. La khang ruh ban pynlong ïa ki Concert, ne kino kino ki jingpynbyrngia ba don jingïadei bad ka elekshon.
Kino kino kiba ïaleh pyrshah ïa kane ka hukum kin shah pynshitom katkum ki kyndon aiñ 126 (2) jong ka Representation of People Act 1951.
