Shillong, Nailur 19: Ka seng kur Kharpran Shillong circle, ha ka sngi Thohdieng ka la pynkup burom ia ki arngut ki nongkitkam ki ba la rim bad kiba la shongthait noh kum ki nongkitkam ,kynthup ia u President barim bah Bring Kharpran bad u Secretary bah Havingstone Kharpran. Ha kane ka sngi lah ia don ryngkat ruh da ki ba shah khot sngewbha kynthup ia ki nongkit kam ka Kur Khriammujat bah Rafel Warjri General Secretary ka Synjuk ki Rangbah Kur ka Bri u Hynñiewtrep, bah W Shylla executive member ka Synjuk ki Rangbah Kur ka Bri u Hynñiewtrep.
Nangta u bah R.L.Blah Spokesperson ka Synjuk ki Rangbah Kur ka Bri u Hynñiewtrep kum u kongsan, bah Aristotle Lyngdoh Vice-President Synjuk ki Rangbah Kur ka Bri u Hynñiewtrep kum u sumbud Kongsan, ryngkat ki Sengkur Kharpran.
Ha katei ka sngi lah Ïoh ruh ïa ka jingrwai jingpule poitri bad ruh jingkren na ki nongkitkam ka kur Kharpran bad kiwei kiwei pat ki prokram.
Na ka liang jong u Bah Blah u la kyntu ïa ka seng kur ba kan khmih bniah bha ba ha kine ki sngi ka don ka jingma ia ka jaitbynriew ha kaba ïadei bad ki riti dustur bad kumjuh halor ka jingma kaba lah ban ap ïa ka jaitbynriew na ka daw jong ka jingbym lah ban shim khia jong ki bor kiba dei peit khamtam ha ka riti dustur bad ki jinglong kñi longkpa ha kane ka por kaba mynta kaba don kam shibun ki jingshim khia.
Na ka liang ki samla jong ka kur ha kane ka sngi ki la ai ki jingrwai kiba shongkun bha bad kiba pynshoh beij ïa ki parakur kiba la wan ban ïa shim bynta ha kane ka prokram.
