Umlyngka, Ïaïong 01: Ka Kur Kharbteng ka la pynlong ïa ka Dorbar Kur Pyllun kaba Hynriew ha shnong Umlyngka ha ka Lah Sngi u Blei bad kane ka jingïakynduh ka la long kaba shongkun ryngkat ki kyntien jingsneng jingkraw na ki Nongïalam jong ka Dorbar Kur ba kynthup ïa u Pastor (Dr) Khrawor Kharbteng uba long u President, na u Bah Staising Kharbteng uba long u General Secretary, na ki kmie, na ki kñi bad kiwei de.
Ka kur ka la pynkup burom ïa u Bah Piston Roy Kharbteng halor ka jingïoh ïa ka ‘National Dairy Farmer Award’ ha ki snem kiba la leit noh, ïa u Bah Brolan Kharbteng uba dei u kñi rangbah tam jong ka kur baroh kawei uba na Mawsynram, ki kmie rangbah duh ka kur Kharbteng baroh kawei kata i Mei-ieid Ailet bad Mei-ieid Klas kiba na Mawsynram, i Mei-ieid Prin na Umlyngka bad i Mei-ieid Blin na Lyngiong.
Ha kane ka sngi la ot ïa u cake da u kñi bad ki kmie rangbah duh ka kur kum ka dak jong ka jingdap 15 snem ka Dorbar Kur Kharbteng kaba la seng ha u snem 2010 ha shnong Umlyngka kaba long ka tynrai ka kur Kharbteng kiba la saphriang kylleng sawdong ka Bri u Hynñiewtrep na kane ka shnong.
Ym tang kata, ka Dorbar ka la pynskhem ruh ba u President ka Dorbar Kur Kharbteng un long u Rangbah Kur kumba la kdew da ka riti treikam ka Dorbar Kur.
Ha kane ka jingïalang la pynthymmai ïa ki nongkitkam na bynta ka samoi treikam jong snem u 2025 – 2027 ha kaba la jied President ïa u Bah Twinklestar Kharbteng bad General Secretary u Bah Staising Kharbteng bad kiwei de kata Vice President u Bah Benningson Kharbteng bad Bah Sam Austin Kharbteng, Joint Secretaries u Bah Remy Nelson Kharbteng bad Bah Orbinstone Kharbteng, Treasurer ka Kong Veribel Kharbteng, Organizing Secretary u Bah Wander Kharbteng, Asst. organizing Secretary u Bah Fredy Kharbteng, Bah Dassing Kharbteng, Bah Fullmon Kharbteng, Advisers u Dr. Boxter Kharbteng bad Pastor (Dr) Khrawor Kharbteng bad ki 9 ngut ki dkhot ka Executive Member.
