Shillong, Ïaïong 22: U MP ka Congress na Tura u Saleng A Sangma ha ka sngi baar u la pynlong ka jingïalang bishar kam halor ki jingpyntreikam ïa ki skhim ka sorkar pdeng.
U la pynïaid ïa ka jingïalang jong ka District Development Coordination and Monitoring Committee (DISHA) ha New Circuit House Conference Hall Baghmara kaba ha South Garo Hills District.
U Sangma u la shong bishar ïa ka jingpyntreikam ïa kiba bun ki skhim hapoh ka DRDA, Health, Education, Water Resources, Agri- Horti Department, MePDCL, DCIC, ICDS, MSRLS, PWD Roads & NH, PHE bad kiwei kiwei.
Ka jingbate ïa ki fund hapoh ki skhim bapher bapher, kiba la pynmih bad kumjuh ruh ki jingduna bad kiwei kiwei ki dei ki kam kiba la ïakren ha kane ka jingïalang.
U MP ka Tura u Sangma u la kyntu ïa ki tnat sorkar ban pynthikna ba baroh ki skhim ki dei ban poi sha baroh kiba dei hok ban ïoh ki lad jingmyntoi bad ba kin suk ban ïoh ïa ki baroh ki skhim kiba dei ban ïoh da kiba ïoh jingmyntoi.
