Shillong, Naiwieng 22 : Ka Mariamma Thomas ka la shimti kum ka Chief Post-Master General ba thymmai jong ka North East Postal Circle. Ka North East Postal Circle ka kynthup 4478 tylli ki Post Office ba don kylleng ka jylla Meghalaya, Arunachal Pradesh, Tripura, Manipur, Mizoram bad Nagaland bad ka Headquarter jong ka, ka don ha Shillong.
Ka Mariamma Thomas ka dei ka 1994 Batch Officer jong ka Indian Postal Service bad ka dei kaba la tbit bha ha ki kam ba ka la trei long ha Karnataka, Kerala, Telangana, Maharashtra, Tamil Nadu bad Goa.
