Shillong, Naiwieng: Ka Department ka Anesthesiology & Critical Carebad General Medicine ka NEIGRIHMS ha ryngkat ka jingïatreilang bad ka Indian Society of Critical Care Medicine (ISCCM) ha ka 18 tarik mynta u bnai ki la pynlong ïa ka “transformativeOutreach Program” shibynta ban wanrah jingkylla lyngba ka jingïalap bad aijinghikai halor ki kam aijingïarap ban pyllait im ïa ki para mynsiem briew ha ka prokram ba la pynlong ha NEIGRIHMS, Shillong.
Ha kane ka prokram la pynlong ïa ka Basic Mechanical Ventilation and Point of Care Ultrasound Workshop ha ka jingïa don lang jong kumba 110 ngut ki dkhot na ki medical college bad hospital bapher bapher jong ka thaiñ Northeast India, kata nalor ki riew shemphang na ka ISCCM kiba la wan na ki bynta bapher bapher jong ka ri hapoh ka jingïalam ka presiden ka Prof. Sheila Myatra kaba dei na ka Tata Memorial Hospital, Mumbai.
Na ka liang u Prof. KG Lynrah, Professor ka General Medicine u la pdiang sngewbha ha kane ka prokram ïa kaba la pynïaid da u Director ka NEIGRIHMS, u Prof. Nalin Mehta ha ka jingïadon lang u Dr. Lajja Ram Bishnoi, IPS, Director General of Police, Meghalaya kum u Kongsan.
Kiwei pat ki riewkhmat kiba la ïa don lang ha kane ka sngi ki kynthup ïa u Prof. A J Patowary, In-Charge Dean ka NEIGIR HMS, Bah VivekSyiem , SP (City), East Khasi Hills , Shillong, ISCCM Shillong Branch Chairperson Dr. E. Sohkhia, Secretary Dr. I. Tiewsoh lem bad kiwei pat ki dkhot kiba la ai ïa ka jinghikai ha kaba ïadei bad ka Basic Life Support (BLS) na ka bynta ki 85 ngut ki dkhot ka tnat pulit ka jylla.
Na ka liang u Director NEIGRIHMS, u Prof (Dr.) Nalin Mehta ha ka jingkren u la pynpaw halor ka jingdonkam kaba kongsan jong ka Basic Life Support (BLS) khamtam na ka bynta kito kiba ïatyngkhuh nyngkong ne ki first responder, kata da kaba ai khublei kyrpang ïa ka ISCCM halor ki sienjam ki jong ka ha kaba pynlong ïa kane ka outreach program.
Ha ka jingkren u Kongsan u Dr. Lajja Ram Bishnoi, IPS DGP-Meghalaya u pynpaw ka jingsngewnguh ïa ka ISCCM bad NEIGRIHMS halor ka jinglah ban pynlong ïa kane ka prokram aijinghikai halor ka BLS na ka bynta ki bor pulit ka jylla.U la pynpaw ruh halor ki jingeh kiba ki bor pulit ki ïakynduh bad halor ka jingdonkam ban ïoh ïa kiba kum kine ki prokram aijinghikai.
Katba na ka liang ka Prof. Nari Mary Lyngdoh, Head ka Department Anesthesiology & Critical Care ka la pynpaw halor ki sienjam ba la shim lyngba kane ka jingïatreilang hapdeng ka ISCCM, ka NEIGRIHMS bad ka Tnat pulit ka Meghalaya ka ban long shibynta kum ka jinglong ba la pynkhreh ha kaba ïadei bad kane ka phang.
