Nongstoiñ, Lber, 23 : Ka ophis jong ka District Sport Officer (DSO) West Khasi Hills District, Nongstoiñ kan pynlong ïa ka Chief Minister Under-12 yrs Block and District Level Open Football Tournament (Boys & Girls), ka ban sdang naduh ka 10 tarik u bnai Ïaiong, 2023 ha man la ki Block Center jong ka District ha kaba yn bud pat sa ka District Level ha u bnai Jymmang bad ban pynkut pat da ka State Level ka ban long ha u bnai Jylliew, 2023.
Kumta ka ophis ka wer ka khot ïa baroh ki khynnah shynrang bad kynthei kiba hapoh ka 12 snem ka karta, ban wan ïa shim bynta shitrhem ha kane ka Football Tournament. Ïa ki entry form bad ki jingtip ba kham bniah, lah ban ïoh na ki ophis jong ki Block Development Officer (BDO) kiba don hapoh ka District ha ki kynta long trei. Lane da kaba shu phone ha kine ki number I Kong B Syiem 9402300795 bad Kong V Shylla 8014251242.