Shillong Naitung 19: Ka khubor ba la ïoh na ki pulit la ïathuh ba u Manager, Jiva Resort, Sohra (EKH) u la phah ka jingujor ba ha ka 15 tarik mynta u bnai ki runar bym lah ban ithuh ki la thok ïa uwei u Hotel customer ka pisa kumba T. 13,500/-, da kaba ai thok ïa ki jingtip ba bniah bad phone number ha katei ka Resort.
Ha kawei pat ka jingjia ki pulit ki la ïathuh ba u Imran Choudhury u la phah ka jingujor ba ha ka janmied jong ka 16 tarik mynta u bnai, ki runar bym lah ban ithuh ki la tuh kawei ka laptop bad kiwei ki tiar na Mawlai Mawroh, Kyntonlieh, Shillong.
