Shillong, Lber 29: Ka khubor ba la ïoh na ki pulit la ïathuh ba u Bah Khraw Kupar Shabong u la phah ka jingujor ba ha ka step jong ka 27 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar ML-05AC-9879 napoh ka ïingsah jong u kaba ha Madan Ïing Syiem, Mylliem (EKH).
Sa kawei pat ka jingjia ki pulit ki la ïathuh ba u Bah Baniaijop Kharsati u la phah ka jingujor ba ha ka step jong ka 27 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar ML-05T-5328 na Mawlai Mawdatbaki Pata, Shillong.
Shuh shuh ha kawei pat ka jingjia ki pulit ki la ïathuh ba ka kong Balari Sanglyne Basan ka la phah ka jingujor ba hapdeng ka mied jong ka 26 & 27 mynta u bnai, ki runar bym lah ban ithuh ki la prong hapoh ka medical store jong ka kaba ha Revenue Block, Rynjah, Shillong bad ki la tuh ïa ka mobile phone, ki dawai ka pisa kaba la kot T. 25,000/-.
