Shillong, Naiwieng 22: Ka khubor ba la ïoh na ki pulit la ïathuh ba u Rohanjit Rabha u la phah ka jingujor ba ha ka 19 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AD-2055 najan Botanical Garden, Ward’s Lake, Shillong.
Ha kawei pat ka jingjia ki pulit ki la ïathuh ba Joint Secretary ka sorkar Meghalaya, IT & Communication Department & Member Secretary, Meghalaya Information Technology Society, Meghalaya, la phah ka jingujor ba ha ka 18 tarik mynta u bnai, ki runar bym lah ban ithuh ki la tuh 4 tylli ki battery kiba shongdor kumba T. 80,000/- na ki 2 tylli ki DG set, ba la buh ha mar pyrshah ka Meghalaya Printing & Stationery, Shillong.
Ha kawei pat ka jingjia ki pulit ki la ïathuh ba u Legish R Sangma u la phah ka jingujor ba ha ka step 17 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AB-6454 kaba la pynïeng hajan ka ïingwai kaba ha ka shnong Dangar (EKH).
