Shah tuh ka TV bad shah pyndonkam beaiñ ka dur u rangbah

Shillong, K’ Lyngkot 13: Ka khubor ba la ïoh na ki pulit la ïathuh ba uwei u nongshong shnong ka nongbah Shillong u la phah ka jingujor ba ha ka 20 tarik u Nohprah, 2024, ba ka la don kawei ka fake profile kaba la thaw hapoh ka rynsan ka ‘Bharat Matrimony’ hapoh ka kyrteng Dr. Bibhan B, kaba la pyndonkam ïa ka dur kum ka profile photo khlem ka jingmynjur ne ka jingtip jong u.
Ha kawei pat ka jingjia ka samla D Surong ka la phah ka jingujor ba ha ka miet jong ka 8 tarik mynta u bnai, ki runar bym lah ban ithuh ki la prong hapoh ka ïing jong ka kaba hapoh ka shnong ha Lumjingsuk Madanrting, Shillong bad ki la tuh ïa kawei ka TV set.
Shuh shuh ki pulit ki la ïathuh ba u Silverth M Sangma u la phah ka jingujor ba ha ka 13 tarik u Naitung, 2024, arngut ki briew kiba la ithuh kyrteng u Jhim Carter M Sangma na Tura (WGH) bad Bokar Poramanik na Assam ki la shim kylliang ka pisa kumba T. 1.5 lak na u, da kaba kular ba kin sa siew biang ïa kane ka pisa ha ryngkatlang bad ka sut kaba long 20%. Hynrei kitei ki briew ki khlem da la lah ban pynurlong ïa kaei kaba ki la kular.