Shillong, Naitung 28: Ka khubor ba la ïoh na ki pulit la ïathuh ba u Bah Shyem Warhen Pale u la phah ka jingujor ba ha ka 7 tarik mynta u bnai, ki runar bym lah ban ithuh ki la tuh ïa ki Remote Radio Unit (RRU) napoh u tower kaba ha Windi Sohphoh, Umpling Dongshaneng (EKH).
Ha kawei pat ka jingjia ki pulit ki la ïathuh ba kawei ka longkmie napoh ka shnong North Garo Hills ka la phah ka jingujor pyrshah ïa uwei u ba kyrteng u Aron Sangma bad ka kurim jong u ka B Sangma ba ki la pynngeit ïa ka ban thep pisa hapoh kawei ka App ‘Datameer’ da ka jingkular ba kan ïoh bun ka pisa. Hynrei naduh ka 23 tarik mynta u bnai, 2024, kam shym la don ka jingthep pisa hapoh ka account jong ka.
