Shillong, Lber 18: Ka khubor ba la ïoh na ki pulit la ïathuh ba u Bah Devendri L Nonglait u la phah ka jingujor ba ha ka 15 tarik mynta u bnai kaba dei hapdeng ka jingïakajia hapdeng jong u ba ki lai ngut ki briew bym lah ban ithuh ha Soul Kitchen, Mawroh, Shillong, kitei ki lai ngut ki la pynjulor ïa ka scooter jong u kaba don u nombar ML-05AE-1250 bad kumjuh ruh ki la shoh ïa u.
Ha kawei pat ka jingjia ki pulit ki la iathuh ba u Bah Robertson Kharnaior u la phah ka jingujor ba ha ka 16 tarik mynta u bnai ki runar bym lah ban ithuh ki la tuh ïa ka Tata Sumo kaba don u nombar ML-05J-2826 na Mawiong Umjapung, Shillong.
Shuh shuh ki pulit ki la ïathuh ba ka Kalpana Mizar ka la phah ka jingujor ba ha ka 14 tarik mynta u bnai hapdeng ka por 2 baje bad 6 baje janmied, ki runar bym lah ban ithuh ki la prong hapoh ka Arbuthnoth Road, Demseiñïong, Shillong bad ki la tuh ka ksiar, kawei ka silver payal, artylli ki pendant, kiba shongdor baroh haduh T. 67,000/- hajar bad ka pisa kumba T. 5,000/-.
Ha kawei pat ka jingjia ki pulit ki la ïathuh ba u Soreingam u la phah ka jingujor ba ha ka 13 tarik nohphai sngi, ki runar bym lah ban ithuh ki la prong hapoh ka ïing jong u kaba ha Rynjah Lumshngaiñ, Shillong bad ki la tuh kawei ka Laptop ha ryngkat bad u charger ba shongdor kumba T. 55,800/- hajar.
