Shah leh beijot ka khynnah skul ha ki 3 ki runar, dawa ki seng bhalang ban pynshitom jur

0

Tura, Risaw 12 : Kawei ka khynnah skul Garo kaba dang pule Klass IX ka la shah leh beijot ha ki lai ngut ki riew runar ha ka 1 tarik Risaw katba ka dang wan phai na skul sha la ïing. Kane ka la jia ha Sutipara, Lower Assam, Goalpara District kaba dei ha khappud Meghalaya bad Assam.
Halor kane mynta ka sngi ki hynniew tylli ki seng bhalang, ki khynnah skul, ki kmie ki kpa bad ki nonghikai ki la pynlong ka jingïaid paidbah bad dawa ba ki pulit kin pynshitom jur kat kum ka aiñ ïakitei ki lai ngut ki runar.
Ki pulit jongka Agia Police Station, Goalpara ki la thwet bad ïoh kem ïa kitei ki lai ngut ki runar hapoh 24 kynta hadien ka jingjia, Kitei ki runar ki dei u Mamud Alam, Akkash Ali bad u Ajibul Haque. Kine ki la shah set phatok mynta ha Goalpara District Jail.
Ki Seng bhalang kiba la ïaïaid paidbah ki kynthup ïa ka AHAM, GNC, Garo Jatiya Parishad (GJP) GSU-Assam Zone, Garo Mothers Union, Garo Sahitya Sabha, Goalpara District Committee bad WGNC. Kane ka jingïaïaid paidbah ka la long ha Sutipara.
Ha ka jingïaïaid paidbah la ïarah ïa ki placard kiba dawa ban pynshitom tyngeh ïaki runar, ban pynsted ka jingbishar ban ïoh ai ka jingpynsaja ïakitei ki lai ngut bad ban sdien phasi beit ïa ki.

Leave A Reply

Your email address will not be published.