Ha Shillong yn tei ïa ka climate change Museum ba nyngkong ha South Asia

Shillong, Risaw 12 : U Myntri ka tnad Forest & Environment ha ka sngi Balang u la pyntip ba ka tnad ka la pynkhreh mynta ban tei da ka climate change Museum ha Shillong kaban kylla long ruh ka museum kaba nyngkong tam ha ka thain South Asia baroh kawei.
Ïa kane u Myntri u la pyntip haba kren ha ka jingïalang pynhap pyrda ïa ka Wildlife Week 2022 ba la pynlong da ka ophis u Divisional Forest Officer, Khasi Hills Wildlife Division ha Phan Nonglait Park.
Da kaba kam ba ka long kaba donkam ban ai jinghikai paidbah haba ïadei bad ka jingkylla ka mariang, nangta ban tip kham bha shaphang ka mariang kaba don jingkyrmen bad ruh ban kyntiew artad ïa ka kam jngohkai pyrthei, u Myntri u la ong, “Ngi dang pyrshah ban wanrah noh da ka climate change Museum ha Shillong bad kane kan dei kaba nyngkong tam ha South Asia.”
U Myntri u la ong ruh ba da ka jingdon jong katei ka museum kam dei satia tang shaphang ka pule puthi ban kyntiew ïa ki kam jngohkai pyrthei hynrei u ong ruh ba ka jingkylla ka mariang kadei ka mat kaba ktah ïa baroh mynta. Kumta, u la ong ba dei lyngba ka museum ha Shillong kaba dei ka sienjam kaba paka tam eh khnang ba ka lawei ban wan kan ïohi bad kin tip shaphang jong ka.