Mynjur ka Sorkar Pdeng ïa ka skhim PM-DevINE 6,600 klur na ka bynta u snem 2022-2026

New Delhi, Risaw, 12: Ka Kynhun Myntri jong ka Sorkar Pdeng ha ka sngi Balang ka la ai jingmynjur ïa ka skhim bathymmai kaba la tip kum ka Prime Minister’s Development Initiative for North East Region (PM-DevINE) ban pyntreikam na 15th Finance Commission na ka bynta u snem 2022-2026.
Ka skhim PM-DevINE, ka dei ka skhim ban bei pisa 100% da ka Sorkar Pdeng na ka bynta ban pyntreikam da ka Ministry of Development of North Eastern Region (DoNER).
Lyngba ka skhim PM-DevINE yn mang pisa T. 6,600 klur na ka bynta ki saw snem kata na ka bynta u snem 2022-23 haduh u snem 2025-26 (ki snem basah jong ka samoi ka 15th Finance Commission).
Na kane ka skhim, yn pyrshang ban pyndep ïa ki projek PM-DevINE shuwa jong u snem 2025-26 khnang ba yn ym don ki jingeh hadien une u snem. Kane ka mut ba ka jingpynbiang lypa ïa ki jingmang pisa hapoh ka skhim ha u snem 2022-23 bad snem 2023-24. Katba yn dang don jinglut ha u 2024-25 bad 2025-26, yn peit sani ïa ka jingpyndep ïa ki projek PM-DevINE ba la mang pisa.
Ka skhim PM-DevINE kan ai jingkyrshan ïa ki karkhana, ïa ki projek na ka bynta ka roi ka par ha ki shnong ki thaw bad ban plie ïa ki lad kamai jakpoh jong ki samla bad ki longkmie.
Yn pyntreikam ïa ka PM-DevINE da ka Ministry of DoNER lyngba ka North Eastern Council (NEC) lane ki tnat treikam ka Sorkar Pdeng. Yn pynthikna ba ka jingpyntreikam ïa ki projek ba la mang pisa hapoh ka PM-DevINE ba kin long kiba ïaineh. Ban pynduna ïa ki jingma ha ka por ba shna bad ka jingkiew ka bai pyntrei ïa ki projek kiba hap hapoh ka kti jong ka Sorkar yn pyntreikam katba lah lyngba ka Engineering-Procurement-Construction (EPC).
Ki thong jong ka PM-DevINE ki long ban ban bei pisa ïa ki jingdon jingem da ka jingïatreilang ha ka rukom ka PM Gati Shakti, ban ai jingkyrshan ïa ki projek ka roi ka par ha ka imlang sahlang katkum ki jingdonkam ka Thaiñ Shatei Lammihngi, ban plie ïa ki lad kamai jakpoh ïa ki samla bad ki longkmie, ban pyndap ïa ki jaka ba suda ha ka roi ka par ha ki kam bapher bapher.
Ki don kiwei kiwei ki skhim na ka Ministry of DoNER na ka bynta ka jingkyntiew ïa ka Thaiñ Shatei Lammihngi. Ka jingheh jong ki projek hapoh ki skhim jong ka Ministry of DoNER ki long tang kumba T.12 klur. Ka PM-DevINE kan ai jingkyrshan ïa ka jingkyntiew ki jingdon jingem kiba kham heh na ka bynta ka roi ka par bad kin ai ruh ïa ki jingpynbeit ha ka jingwanrah ïa ka roi ka par ha jaka jong ki projek ba sah marwei.
Yn pynthikna ba yn ym don ka jingtrei arsien ïa ki projek hapoh ka PM-DevINE kiba ïatyngkhuh bad kiwei kiwei ki skhim DoNER lane kito jong kino kino ki tnat Sorkar.
La ai jingtip shaphang ka PM-DevINE, ha ka Mang Tyngka jong u snem 2022-23 ka Sorkar Pdeng ban pynbeit ïa ki jaka ba suda ha ka thaiñ Shatei Lammihngi. Ka jingpynbna ïa ka PM-DevINE ka dei sa kawei ka dak jong ka jingpeit kyrpang ka Sorkar Pdeng ïa ka roi ka par ha ka thaiñ Shatei Lammihngi.
Ka PM-DevINE ka long shuh shuh ïa ki jingdon jingem kiba don na ka bynta ka roi ka par jong ka thaiñ bad kan ym wanrah bujli ïa kano kano ka skhim Sorkar Pdeng ne Sorkar Jylla ba la don lypa.
Katba katto katne ki projek ba la ai jingmynjur na ka bynta u 2022-23 hapoh ka PM-DevINE ki long shi bynta ka jingai jingtip shaphang ka Mang Tyngka, ki projek kiba lah ban wanrah ïa ka jingbha ha ka ïoh ka kot ha ka imlang sahlang lane plie ki lad kamai jakpoh kiba ïaineh (kum ki jingdon jingem ha baroh ki Primary Health Care Centre, ki jingpynbiang pura ha ki skul Primary bad Secondary jong ka Sorkar bad kiwei kiwei) ki dei kiba lah ban peit ha ka por ban wan.
Ka jingpynksan ïa ka PM-DevINE ka dei ki jingshem shaphang ki jylla ka thaiñ Shatei Lammihngi ha kaba ïadei bad ki Basic Minimum Services (BMS) kiba dang duna bha haba ïanujor bad kiwei kiwei ki bynta jong ka ri bad ruh ba ki don ki jingduna kiba heh katkum ka BER District Sustainable Development Goad (SDG) Index 2021-22 ba la pynkhreh da ka NITI Aayog, UNDP bad MDoNER.
La pynbna ïa kane ka skhim ba thymmai PM-DevINE ban pynbeit ïa kine ki jingduna BMS bad ki jingduna ha ka roi ka par.