Nongpoh, Naitung 21: Ka jinglong jingman ka bor mariang ha kine ki khyndiat sngi ka la wanrah bun ki jingjulor bad jingjia ba sngewsih, hadien ba u lapbah bala neh katto katne sngi u la ther ha bun ki bynta jong ka Ri-Bhoi District kaba la wanrah ka jingshlei um, ka jingtwa khyndew kaba la ktah bun ki longing longsem kiba sah haki jaka them bad ki rud wah bad bun ki wah kila kyrhuh da ka umsaw namar ka jingjur slap.
Haduh mynta ka sngi ka bneng kam pat shym la ailad ha kaba u slap u dang jur haki bynta bynta jong ka them Ri-Bhoi kaba la wanrah ka jingsyier mynsiem ïa kiba bun ki nongshong shnong.
Haba pyrshang ban wad jingtip na u Deputy Commissioner ka Ri-Bhoi u Dr. Abhishek Saini u la pyntip ba haduh mynta kumba 21 tylli ki shnong kila shah ktah ha Ri-Bhoi District ha kaba 14 tylli ki dei ha Umling C&RD Block katba 7 tylli ki dei ha Mawhati C&RD Block bad na kane ka jingshah ktah haka bor mariang uwei u heprit na ka shnong Umlamphlang u la duh noh ïala ka jingim bad 4 ngut kila mynsaw ha ka district baroh kawei.
