Shillong, Naiwieng 04: Ki riew paidbah ki la ïoh ban kem ïa uwei u nongkhaïi drok mynta ka sngi Saitjain katba u dang khaïi drok ha Police Point Laitumkhrah.
Mar syn ïoh kem, kine ki briew ki la pyntip noh mar mar sha ki Pulit ka Laitumkhrah Police Station. Hadien kane la wan pat ka ANTF kaba la shimti ban pynlong ïa ka jingtohkit.
Na ka met jong une u briew, ka ANTF kala ïoh ban kurup haduh 10.97 gram u heroin ba la thep ha ki bitor plastic ba rit, kawei ka pla plastic ba don haduh 35 tylli ki bitor plastic ba rit, kawei ka mobile phone bad ka pisa ba T. 6310.
