Shah kem u DTO ka East Garo Hills ha ki pulit Assam ba pynbiang kot kali ïa ki kali tuh

Williamnagar, Jymmang 14: Ki pulit jong ka jylla Assam ha ka sngi U Blei ki la kem ïa u District transport Officer (DTO) jong ka East Garo Hills U Genekelly G Momin namar ka jingdonkti jong u ban leh da ki kot ki sla kiba thok ïa ki kali. Ïa u Genekelly la leit ban kem na ophis jong u ha kaba ïa kane ka kyhun ki pulit ka Assam la ïalam da u Siraj Ingti bad u Manimoy Tamuly.
Katba kum ka jingïathuh ki pulit u Genekelly u don kti ban pynïaid ïa ka kam leh thok ïa ki kot ki sla kali kiba ym lah ban rgister ha Assam da kaba wan rejistar pat ha meghalaya da kaba pyndam ïa u Chassis nombor jong ki kali.
Na ka liang ki pulit ka jylla Assaam ki a sdang ban tohkit hadien ba ki la lap ba u number ka enjin kali jong u Gulam Ali kam ïahap satia bad kiba don ha ki kot ki sla kali jong u ïa kaba ki la lap ksai ha ka4 tarik Jymmang mynta hi u snem bad hadien ki sa lap sa ïa ar tylli ki kali kiba kum kata bad dei hadien kane ba ki la rejister case ha Agia Police Station.
Ha ka jingtohki, ki pulit ki la lap ïa ki sakhi satar ïa ka jingdonkti u Genekelly bad na ka liang jong ki ki la leit ban kem noh ha ka sngi U Blei. Na ka liang ki pulit ki la kem ruh ïa u Gulam bad ïa u nongñiah kali jong u bad mynta ki don hapoh Judicail Custody. Na ka liang ki pulit ha ka jingleit kem ki la ïoh kurup ïa lai tylli ki kali bad 5 tylli ki resgitration card na u Gulam.
Na ka liang u Superintendent of Police (SP) ka Goalpara u VV Rakesh Reddy P u la ïathuh ba dei ha ka jingtohkit ba u Ali ua la phla ba da ka jingïarap u DTO ka East Garo Hills u la leh ïa kane ka kam kum ka lad kamai ïa u bad u la phla ruh ba ki don kumba 30 tylli ki kali kiba ki la leh thok ïa ki kto ki sla.
Na ka liang u Reddy u la ai khublei ïa ki pulit ka jylla kiba la ai ka jingïatreilang ha ka jingleit kem ïa u DTO ka East Garo bad bynrap ba na ka liang ki pulit ka jylla Assam kin teng ban tohkit sa ïa u Genekelly.
U la ong ruh ba kin sa pylong ka jingtohkit ha kaba ïadei bad ka jingkem ding kaba dang shen ka ophsi u DTO ban lap la ka dei ka kam sylla u Genekelly.