Shah kem ki shi kurim na Demthring ba donkti ha ka kam khaïi drok

0

Shillong, Jymmang, 03: Ka tnat Pulit jong ka jylla kaba dang ïai bteng haduh kine ki sngi ban ïakhun thma pyrshah ïa ka jingkhaïi drok ha ka step sngi Balang ka la ïoh kem haduh lai ngut ki snar khaïi drok, ha kaba arngut ki dei ki shi kurim.
Ha u kyrwoh ba la phah da u Superintendent of Police ka East Khasi Hills District sha ki lad pathai khubor, ka kynhun ki Pulit ka Anti-Narcotic Task Force (ANTF) ka East Khasi Hills da ka jingai jingkyrshan jong u Director General of Police (DGP) u Dr. L. R . Bishnoi ki la ïoh kurup 10.78gm u drok Heroin na ka shnong Demthring na kawei ka ing jong uba la shah kem ha ka por mynstep.
Da ka jingïalam lynti jong une uba la shah kem, ki Pulit ANTF ki la leit khynra ïa ka iing jong ki nongkhaii ha Demthring (kiba dei ki shi kurim) ha kaba ki Pulit ki la ïoh kurup 10 tylli ki synduk thep sabon ba la thep ïa u drok uba khia140.02 gram bad kiwei kiwei de ki tiar.
Tang ha kane ka sngi, ki Pulit ki la ïoh ban kurup haduh 218.88gm u drok Heroin.
Shwa kane, ha ka por 5.30 baje mynstep ki Pulit ka ANTF East Khasi Hills ki la ïoh ban kem ïa uwei u snar khaii drok na Fire Brigade uba dang pyrshang ban die ïa u drok sha uwei u nongdih drok.
Na ka met jong une u nongkhaii drok ki Pulit ki la ïoh kurup 5 tylli ki synduk thep sabon ba la thep ïa u drok Heroin uba khia 68.08 gm, kawei ka scooty kaba don ïa u nombar ML 05 Q-1031, kawei ka mobile phone, kawei ka driving licence, kawei ka pla rong soh bad rong iong.
Ki Pulit ki la register case hapoh ki kyndon jong ka NDPS Act bad ka jingtohkit ka dang ïaid shakhmat.

Leave A Reply

Your email address will not be published.