Shillong, Iaiong 19 : Mynta ka sngi ki pulit jong ka nongbah Shillong ki la ïoh ban kem ar ngut ki briew bad na ki la ïoh ban kurup ïa u drok Herion kaba shong dor T.24 lak tyngka, ki pulit ki la kurup ruh ïa ka Scooty kaba ki pyndon kam.
Ki pulit ki la ïoh ban bat ïa kane ka Scooty kaba don ïa u number ML-05-S-0052 hadien ba ki la ïoh ïa ka jingtip bad ki la bud dien bad ki la ïoh ban bat bad haba ki la talasi kila ïoh ban kurup ïa u drok heroin bad ki pulit ki la kem ïa ki baroh arngut bad na ki la ïoh ruh ar tylli ki phone.
Na ka liang ki pulit ka jylla Meghalaya ki la nang pynkhlaiñ shuh shuh ïa ka jingïakhun pyrshah ïa kane ka kam khaïi drok ha kane ka jylla bad ka jingïoh kem ki pulit ïa ki nongkhaïi ruh da ka jingïatreilang bad ka jingkyrshan jong ki paidbah.
