Shillong, Rymphang 13 : Ka Meghalaya Football Association (MFA) ka la pynpaw ïa ka jingkmen kaba khraw da ka jingshah jied ka Bonifilia Shullai kum kawei na ki 30 ngut ki thei ïalehkai kiban mihkhmat ïa ka India ha ka lympung ïalehkai SAFF U-16 Women’s Championship kaban long ha Lalitpur, Nepal.
Ka jingshah jied jong kane ka samla ka dei da ka jinglah jong ka ban ïalehkai bha ha ka Sub Junior Girls National Championship 2023-24.
Halor kane, na ka liang ka MFA lyngba u President Bah Hamlet Dohling u la ong ba ka jingshah jied jong ka samla Bonifilia ka la wanrah ka jingsngewsarong ïa ka jylla baroh kawei. U ong ruh ba kum ka Synjuk kin ai ka jingkyrshan kaba borbah ïa ki samla kiba don ïa ka sap ba kyrpang.
Mynta kane ka samla ka don ha ka shlem kilan met jong ka India ha Goa.
Na ka liang ka Synjuk ka ai ruh ka jingkitbok bad ïa ka kynhun ïalehkai jong ka Ri baroh kawei ba kin lah ban ïalehkai bha.
