Shah jied ka Alisha bad ka Bonifilia ha ka kynhun India U17 ban ïakhun lai tylli ki jingïalehkai paralok pyrshah ïa ka Russia ha Sochi

NEW DELHI, ïaïong 08: Ka Pamela Conti ka head coach jong ka kynhun phutbol U-17 ki kynthei jong ka ri India, ha ka sngi Ba-ar ka la pynbna ïa ka kynhun kaba don 23 ngut ki dkhot, kynthup ruh ïa arngut ki thei ïalehkai ba paw jong ka jylla Meghalaya, ka Alisha Lyngdoh bad ka Bonifilia Shullai.
Kane ka kynhun kan ïakhun ïa lai tylli ki jingïalehkai paralok pyrshah ïa ka Russia ha Sochi ha ka 11, 14 bad 17 tarik u ïaïong, 2026. Baroh lai tylli ki jingïalehkai kin long ha Matsesta Football Centre ha Sochi, bad kin sdang ha ka por 2:30 baje noh phai sngi.
Ka India kaba dang pynkhreh ïalade na ka bynta ka AFC U17 Women’s Asian Cup China 2026, ka la wanpoi ha Sochi ha ka miet sngi Nyngkong, ka 06 tarik u ïaïong. Ha u bnai ba ladep, ka la leit sha Yangon ban ïalehkai ar tylli ki jingïalehkai paralok, ha kaba ka la jop ïa baroh ar (2-0 bad 3-2). Hadien ka jingwanphai, ka kynhun ba la ïalam da ka Conti ka la bteng ïa ka jingkilanmet jong ki ha Bengaluru.
Ha ka Asian Cup ha Suzhou, ka India kaba la shah pynïakap ha ka Group B, kan aireng pyrshah ïa ka Australia (02 tarik Jymmang), Japan (05 tarik Jymmang) bad ïa ka Lebanon (08 tarik Jymmang).
Ka thup kynhun U17 jong ka India na ka bynta ka jingïalehkai paralok pyrshah ïa ka Russia:
Goalkeeper: Munni, Surajmuni Kumari, Tamphasana Devi Konjengbam.
Defender: Alena Devi Sarangthem, Alisha Lyngdoh, Divyani Linda, Elizabed Lakra, Joyshini Chanu Huidrom, Ritu Badaik, Taniya Devi Tonambam.
Midfielder: Abhista Basnett, Alva Devi Senjam, Bonifilia Shullai, Julan Nongmaithem, Pritika Barman, Redima Devi Chingkhamayum, Thandamoni Baskey.
Forward: Anushka Kumari, Anwita Raghuraman, Joya, Olivia Chanu Ningthoujam, Pearl Fernandes, Valaina Fernandes.
Head coach: Pamela Conti; Assistant coaches: Vincenzo Conti bad Nivetha Ramadoss; Goalkeeping coach: Mario Aguiar; Strength and conditioning coach: Amit Yadav.