Shillong, Nailar 08: Arngut ki pulit ophisar ka jylla Meghalaya ki la shah jied sha ka Indian Police Service (IPS) da ka sorkar pdeng.
Ïa kane ka jingpynbna la pynmih da ka Ministry of Home Affairs ha ka 2 tarik mynta u bnai kaba ong ba kitei ki arngut ki ophisar MPS officers, ki kyrteng u Bashanborlang J Laloo bad u Abraham T Sangma ki la shah jied hapoh ka kyrdan IPS napoh ka Joint Assam bad Meghalaya cadre.
Kine ki ophisar kin ïai neh shwa hapoh ka kyrdan jong ka jingkhmih bniah ne probation na ka bynta ka shi snem kaba long katkum ka kyndon Indian Police Service (Probation) Rules, 1954 bad kine ki ophisar kin hap ruh ban leit sha ki jingshah hikai katkum ki kyndon kumba la pynbna.
