Shillong, Nailar 28: Ki samla pule jong ka St Anthony’s College Shillong lyngba ka Tourism Club ha ryngkat ka jingïasnoh kti lang bbad ka ophis u Syiem ka Hima Sohra ha ka 19 tarik Nailar ki la hiar sha Kshaid Mawsawa kaba don ha ki thaiñ Sohra ban leit tam ïa ki jaboh jabain bad ban pynkhuid ïa ki sawadong sawkun jong kane ka jaka jngoh kai pyrthei ba pawnam ha ka jylla.
“Kane ka jingpynkhuid ïa kane ka jaka jngoh kai pyrtghei ka long ban pynitynnad ïa ki jaka kiba khring ïa ki nongjngoh kai pyrthei sha ka jylla bad ruh ban long ki nuksa ba ngi dei ban sumar ïa ka jingdon jingem kaba ka jylla ka ïoh kyrpang” ong ka kyrwoh na ka Samla Balashynna Dona Nongkseh Secretary ka club.
“Dei hadien ba ngi la wad jingtip ba kano napdeng kine ki jaka jngoh kai pyrthei kaba donkam eh ba ngin leit pynkhuid bad ha ka jingwad jingtip ngi la shem ba dei kane ka kshaid kaba jaboh tam na kaei kaba ngi tipbad dei na kane ka daw ba ngi hiar sha kane ka Kshaid Mawsawa” bynrap ka kyrwoh.
