Shillong, K’lyngkot, 03: Ka Khasi Students’ Union (KSU) Nongmynsong Unit ha ka sngi Balang ka la sam jingïarap sha ki katto katne ki longiing kiba kham duna ka ïoh ka kot hapoh ka shnong Nongmensong da ki nep syaid bad kiwei ki tiar donkam.
Ha shwa ban sam ïa ki jingïarap ka KSU ka la pynlong ïa ka jingïalang ba lyngkot kaba la long ha iing dorbar shnong Nongmynsong, Shillong ha ka jingïadon ryngkat lang u Rangbah Shnong u Bah Phrang Warjri bad u Secretary Shnong barim u Bah Ananias Nongdhar, ki nongïalam ka KSU Sengkmie kiba kynthup naduh u samla Cleanstar Shabong bad u samla Eddie Malngiang Asst Organising Secretary, u samla Alerick Khajana Asst Office Secretary bad u samla Sonstar Nongkhlaw u President ka KSU Shillong Mihngi Circle bad kiwei ki dkhot na ki Unit bad ki Circle.
