Shillong, Naiwieng 16 : Ka National Institute of Technology Meghalaya ka la plie ïa ka workshop halor ka “Viksit Bharat @2047 – AtmanirbharNorth East” hapoh ka jaka treikam jong ka ha, Saitsohpen, Sohra, East Khasi Hill, Meghalaya hapoh ka jingïatreilang bad ka Shiksha Sanskriti UtthanNyas, New Delhi bad North Eastern Hill University Shillong.
Ïa kane ka “Viksit Bharat @2047 – AtmanirbharNorth East” workshop la plie ha ka sngi Thohdieng hapoh National Institute of Technology Meghalaya (NITM), Saitsohpen, Sohra (Cherrapunji), Meghalaya, India. Kane ka prokram ka dei dak jong ka jingsdang kaba ar sngi kaba ïadei bad ka jingkyntiew ïa kane ka thaiñ shatei lammihngi India ha u snem 2047.
Ïa kane ka prokram la plie da ka jingtbeh sharak kaba long ka dak jong ka jingkiew ka jingnang jingtip. Ha kane ka sngi la wan ban long kongsan da u Dr. Atul Kothari, National Secretary jong ka Shiksha Sanskriti UtthanNyas, ha kaba u la kren halor ka NEP-2020.
Katba u Symbud kongsan u Prof. Mukul S. Sutaone, Director ka IIT Allahabad, u la banjur halor ka jingdonkam ban pynïasoh hapoh ka NEP-2020. Na ka liang u Prof. US Dixit, IIT Guwahati, u la batai halor ki jingnang jingtip jong ki riti dustur kiba donkam ha ki kam pynroi.
Katba Prof. Pinakeswar Mahanta, Director of NIT Meghalaya, la batai halor ka phang jong ka jingdonkam ban shaniah halade jong ka Northeast hapoh u snem 2047. Katba Prof. Ayon Bhattacharjee, NIT Meghalaya, u la pdiang sngewbha ïa baroh kiba la shim bynta ha kaba u la banjur ha ka jinglong kongsan ïa ka jingtip ïa ki kam tynrai kaba long kongsan ruh hapoh ka Atmanirbhar Bharat. Katba ïa ki kyntien ai khublei la ai da u Dr. A. P. Singh.
Ïa ka jingïasyllok bad ka workshop, la pynlong halor ka phang “Indian and Traditional Knowledge Systems” bad “Traditional Practices of the Northeast”, ha kaba la kren da ki riewshemphang kum S W Anuragananda, Secretary RKM Sohra, u Lanu Ignatius, Prof. Pankaj Kalita, IIT Guwahati, Dr. Juri Gogoi Konwar, Tezpur Univ., Prof. Narayan Chandra Talukdar, Prof. Borgohain, NEIGHRIMS, kong Alka Kharsati, Khasi Traditional Healer, Dr. Vishnu Choudhury, NEIAH, Dr. Anju Sehgal, Prof. Mousumi Guha Banerjee ha kaba ki la pynpaw halor ka jinglong kordor jong ki jingnang jingtip jong ki trai ri trai muluk halor ki kam technology, bad kiwei kiwei ki phang.
Ha kane ka prokram la don kumba 120 ngut kiba la shim bynta na kylleng ka ri kiba kynthup napoh ka jylla Meghalaya, Assam, Arunachal Pradesh, Nagaland, Mizoram, Manipur, Uttar Pradesh, Madhya Pradesh, Andhra Pradesh, Gujarat bad kiwei.
