Jowai, Naitung 20: Ka West Jaiñtia District Sports Association (WJDSA) Jowai hynne ka Sngi Palei kala ïoh ban sdang ïa ka lympung ‘Independence Day Cub Under-17 Football Tournament 2023’ bad la pynlong ha madan Kiang Nangbah Stadium, Dongmihsngi, Jowai.
Ha kane ka lympung la ïoh ban bynta haduh phra tylli ki Pool, ha ka jingïakhun jong ka Pool-A hynne ka sngi ka Palei, ka Dongmihsngi kala khur namjop hadien ba ka la lah ban pynliem da 2-0 kol ïa ka Lumchyrmang Mihmyntdu, ïa kitei ki kol na ka Dongmihsngi la thep da u Robert A Tang ha ka minit ba 2 nangta ka kol na u Modify Sutnga ha ka minit ba 60 jong ka kylla kaba ar ban ïarap ïa ka kynhun ban ïoh ïa ka namjop.
Katba ha ka jingïakhun kaba ar Mynthong kala pynliem da 2-0 kol ïa ka Pynthor Youth Social Welfare, ïa ki kol na ka mynthong la thep da ka Decently Talang ha ka minit ba 12 bad u Batskhem Dkhar ha ka minit ba 14.
Mynta ka sngi 21 tarik ka jingïakhun kan long hapdeng ka Ladthadlaboh pyrshah ïa ka Salaroh ha ka por 1 baje shiteng nohphai sngi, katba ka Khimusniang pyrshah ïa ka Catholic Youth ha ka por 3 baje nohphai sngi.
