Nongpoh, Rymphang 05: Da ki spah ngut ki samla pule bad ki riew shemphang ha ka pule ka puthi na kylleng ka ri India, ki la wan ban shim bynta mynta ka sngi ha ka sngi sdang jong ka 47th Indian Social Science Conference ba la pynlong da ka Indian Social Science Academy (ISSA) ha ryngkat ka jingïatrei lang bad ka skulbah USTM, Meghalaya ba la pynlong mynta ka sngi ha Auditorium Hall ka USTM.
Ïa kane ka sngi sdang katei ka Indian Social Science Congress la wan ban plie paidbah da u Dr. Vinod K. Gaur, Secretary barim ka Mining bad Earth Science ka sorkar India kum u kongsan bad la sakhi lang ruh ha kane ka sngi da ka jingdon lang u Dr W Selvamurthy, Chancellor, u ba dei peit kum u Amity ka University Chattisgarh; u NP Choubey, General Secretary ISSA; Prof GD Sharma, Vice Chancellor ka USTM bad u President ka Association of Indian Universities, u Prof PK Sarkar, President ka ISSA, u Prof Amit Choudhary bad kiwei kiwei.
Haba kren ha kane ka sngi kum u kongsan, u Dr. Vinod K Gaur, u la ong ba ha ka pule ka puthi ki don shibun ki jingkylla naduh ba la wan ka Education Policy ba thymmai bad kane ka Education Policy ba thymmai ka dei kawei na bynta ba la lah ban saindur shibun ha ban wan rah ïa ka jingkylla ha ka liang ban kyntiew ïa ka pule ka puthi kaba biang hapoh ka ri hi baroh kawei.
