Sdang hiar lyngkha ki nongrep ka WKH ba la dei ka aïom ot

0

Nongstoiñ, Naiwieng 3: Wat la ha kine ki taïew ba la dep ka la don ka jingsyllad jong ka lyer synrai ryngkat u slap ïa ki jingthung jingtep khamtam ïa u kba u ba la sdang ban ih bad kyllon ruh. Hynrei ha kine ki sngi ka aïom ka la biang bad u kba ha ki pynthor ki hali u la biang ban ot bad ban lum ban lang.
Mynta ka sngi la lap ba ki longkmie ha kylleng ki shnong kiba u kba ha ki pynthor jong ki u la biang ban ot, da ka jingkmen bad ka jingphuh mat ki la mih na la ki ïing ki sem bad muja ha kaba ot kba ha ki pynthor jong ki. Haba pyrshang ban kylli na kitei ki longkmie ba u kba u long kumno haba ïa nujor bad ki snem ba la dep, ki la ong ba kito ki pynthor ki bym da jur than ka jingshah khyrwait ha ka lyer te ha une u snem ka jingïoh ka kham kiew ban ïa u snem ba la dep. Hynrei ha kito ki pynthor kiba la shah khyrwait, wat tang mar shiteng ïa kaba ïoh lum ha u snem ba la dep ruh imat ym lah shuh ban ïoh.
Kitei ki longkmie ki la ong ruh ba ki ju ïoh sngew na ki paralok ba kane ka sorkar ba mynta ka la mang ban ai jingïarap ïa baroh ki nongrep kiba shah lynshop ha ka mariang, hynrei ma ki pat kim ju ïoh satia ïa kita ki jingïarap. Don pat kiba ong ba ha ki snem ba la dep ka la don ka jingshah lynshop kaba jur ha ka mariang ha ka por ba u riewhadem u dang sdang ban khie lung ha ki kper ki phrah bad ki la don ki briew sorkar kiba la wan ban shim jingkheiñ, hynrei haduh mynta kim shym la ïoh kano kano ka jingïarap. Nalorkata, ki la ong ba ka jingshah pynjulor jong ki jingthung jingtep ha ka mariang hynrei ki jingkular jong ka sorkar kim ju lar kam.

Leave A Reply

Your email address will not be published.