Nongpoh, Nailar 06: Shibynta ban dang pynpoi ïaki kam pynroi ha Nongpoh Constituency, U Bah Mayralborn Syiem MLA ka Nongpoh ha ka sngi Balang u la leit ban aiti ïaki kam pynroi shaka shnong Kongripara bad Narang naka bynta ka jingmyntoi bad jingdonkam jong ki nongshong shnong.
Kitei ki ar tylli ki kam pynroi ki kynthup ïaka work order ba 2 lakh sha ka Shnong Narang naka bynta ban pyntrei bad pynbha ïaka iing Dorbar hall jong ka Shnong bad 1.50 lakh ha ryngkat bad ki shuki sha ka Seng Longkmie jong ka Shnong Kongripara na ka bynta ban tei ïaka ophis jong ka Seng Longkmie Kongripara bad ïa kitei ki ar tylli work order la pynmang lyngba ka SRWP scheme jong u snem 2021-22.
