Shillong, Naitung 03: Ka Sorkar Jylla kan sa pynkha sa ïa ka Examination Centre ba thymmai ka MBoSE ha Gambegre, West Garo Hills District ha kaba ïa kane la pynbna da ka sorkar hi.
La ong ba kane kadei ka sienjam kaba la shim ban pyn aram bad pynsuk ïa ki spah ngut ki samla pule kiba ju hap leit sha ki jaka ba jngai ban ïakhun ïa ka eksam.
Ka sorkar ka la pyntip ruh ba da ki snem, ki samla pule na Gambegre bad ki jaka ba marjan, ki hap leit sha ki jaka ba jngai ban thoh eksam namar ka jingbym don ka jaka thoh eksam ha ka thain lajong, kaba la ju dawa la slem bha da ki trai shnong.
Kumta u Myntri Rangbah ka Jylla Conrad K Sangma ula ïakynduh ïa ki Ophisar ka Tnad Education bad ka MBoSE, ban ula ai bor ba kin ithuh noh ïa ka eksam centre ba thymmai ha Gambegre.
Ki trai shnong kila pdiang ïa kane ka khubor da ka jingkmen. “Kane kan dei ka jingkylla kaba khraw ïa ki khun ki kti jong ngi,” ong ki Kmie Kpa.
Ka Tnad Education ka la kular ba kane ka centre ba thymmai kan dei kaba la ithuh katkum ki kyndon ba la buh bad ki rukom treikam jong ka.
