Nongstoiñ, Nailar 13: Ka Thwei Baïar Cluster Level Federation, kaba dei ka seng kaba khmih ïa ki Vilage Organisation jong ki Self Help Group hapoh ka jinglamkhmat jong u bah Commingstar Diengngan, cluster coordinator, Nong-stoiñ block, kum shi bynta ban rakhe leh kmen ïa ka sngi laitluid jong ka Ri India, mynta ka sngi ka la pynlong ïa ka pre independence day celebration.
Ïa katei ka sngi la sdang ban rakhe da kaba ïaid rally naduh na Indoor Stadium Nongstoiñ bad la pynkut noh da ka jingïalang paidbah kaba lyngkot ha Mawïonglumsyntiew.
Ha katei ka jingïalang u bah C.P. Mawkon Additio-nal DC u la wan ban long kum u kongsan ryngkat ka jingïadonlang u bah Denes Parïong sordar ka shnong Mawïonglum syntiew bad kiwei kiwei ki ophisar. Kum ka dak jong ka jingrakhe u kongsan u la ïoh ruh ban pynher ïa ka lama ka Ri India.
Ha katei ka sngi la ïoh ruh ban ai ïa ki khusnam bapher bapher sha ki Village Organisation bad ki self help group, namar ka jingminot jong ki ha ki kam bad ka jingtrei shitom, kat haduh ba ki la ïoh ruh ban kheit ïa u soh bathiang ba bun rukom.
Kitei ki kynhun kiba la ïoh pdiang ïa ki khusnam ki kynthup ïa ka Mawpeiñ VO Nongstoiñ, ka Nangkucha-phrang Self Help Group Nongpyndeng, ka Syrwet ki Mawjam VO Pyndenglawar, ka Mynjurlang Self Help Group Themïew New Nongstoiñ bad kiwei kiwei.
U kongsan haba ai jingkren u la ai ka jingïaroh ïa ki Village Organisation bapher bapher, namar ka jinglah ban pynurlong kat haduh ba la don ki Vilage Organisation kiba la don da ki 40-50 lak tam ka pisa ha ka kynhun bad kane ka paw shai ba ka don ka jingïatylli bad to kynmaw ba kadei ka jingïatylli hi kaba la lah ruh ban pynïoh jinglaitluid ïa ka Ri India, ong u kongsan.
