Shillong, Jylliew 24: U B. Sarkar u la iohrah ia ka jingiakhun paramarwei jong ki shynrang ne ka Men’s Single ha ka 17th Lawei ka ri Open Carrom Championship 2024 ba la pyniaid da ka Lawei Ka Ri Sports Social & Cultural Club ha Indoor Sports Hall, Mawlai Mawdatbaki, kaba la kut ha ka sngi Saitjain.
U la iohrah hadien ba u la lah ban pynliem ia u D. Sewa ha ka jingialehkai ia ka final.
Ha ka Men Double la jop da uB. Sarkar bad u S. Syiem, kiba la pynliem ia u D. Sewa bad K. Lyngdoh.
Ha ka Women’s Single ne jingiakhun paramarwei jong ki kynthei la iohrah da ka kong M. Mukhim, kaba la pynliem ia ka D. Kshiar ha ka jingialehkai ia ka final.
Ha ka Veteran Single la iohrah da u A. Lyngdoh bad la wan baar da u D. Passah.
Ha ka Mixed Double pat la iohrah da B. Wrjri bad S. Nongbet bad la wan baar da K.Lyngdoh bad M. Marwein.
Katba ha ka Team Event ne jingiakhun kum ka kynhun, la iohrah da ka Ryntihlang CC bad la wan baar da Jaiaw CC.
Ia kane ka lympung iakob ialehkai carrom kaba 17 jong ka Lawei ka Ri la pynhap pyrda da u bah Teiborlang Pathaw,MDC ka Mawlai Constituency ha ka 22 tarik u Jylliew, 2024.
