Shillong, Nailar : U Bah Teiborlang Pathaw, MDC ka Mawlai ha ka sngi Saitjaiñ ba la lah u la aiti ïa ka lynti ïaid kjat (footpath) kaba 5 lak tyngka sha ka shnong Umshing Umjapung, kaba la pyntrei hi da ka shnong ïa kane ka lynti ïaid kjat.
Katei ka 5 lak tyngka kaba u bah Teibor u la ai ka dei kaba u la mang naka skhim jong u bad ha kane hi ka juh ka sngi u la ai jingïarap ruh ïa ki song pisa sha ki nongrep jong ka shnong Umshing Umjapung.
Ha ka ba ïa dei bad kane ka lynti ïaid kjat bad kumjuh ïa ka jingai jingïarap sha ki nongrep u rangbah shnong ka Umshing Umjapung u bah C.S Khongsar u la ai ka jingïaroh ïa u MDC halor jingïoh ban pyntrei hi da ka shnong ïa ka kam bad u la ïathuh ruh ba ki la pynlut beit thik ïa ka pisa tang na bynta ka kam khlem da hap ïoh nong mano mano ruh.
Katba ka song pisa kaba u la ai sha ki nongrep kane ka shnong ka long hadien ba kine ki nongrep ki la wan ïakynduh ïa u ha ki sngi ba la leit bad kane ka jingai kan long kum shi bynta jong ka jing ai mynsiem ha ki kam jong ki.
