Jowai, Jymmang, 04: Ka Federation Khasi Jaiñtia Garo People (FKJGP) West Jaiñtia Hills ka la pynthymmai ïa ki nongkitkam jong ka Thadlaskein Circle ha ka jingïalang kaba la long ha ka sngi Thohdieng.
Ha kane ka sngi la ïoh jingkren na ki nongïalam ka seng kumthup ïa u Phrangki Kyndait Vice President FKJGP West Jaiñtia u Bah Ricky Shylla General Secretary FKJGP Jaiñtia Zone, Bah Demian S. War Ex President FKJGP West Jaiñtia, u Nangkhrawbor Rani General Secretary FKJGP West Jaiñtia, u Kitboklang Nongphlang Vice President FKJGP Sengkmie bad la ïoh ban pyntian smai ïa ki nongkitkam ba thymmai ka FKJGP Thadlaskeiñ Circle da u President Rangbah bah Dundee Cliff Khongsit, uba la ai ka jingkyntu bad kitbok kitrwiang ïa ki nongkitkam ka seng.
Ki nongkitkam bathymmai jong ka Thadlaskeiñ Circle ki long u Wednesday Dkhar kum u President, u Bilangki Rymbai- Vice President, u Harry Talang -General Secretary, u Honeyboy Rynjah -Asst Secretary, u Marshal Suting- Organising Secretary, u Mankhraw Mukhim -Information Secretary, u Sanlangki Mukhim -Education Secretary, u Neru Chyrmang -Sport Secretary, u Manbhalang Nongbri -Agriculture Secretary, u Nidaioh Myria -Discipline Secretary bad u Jerly Phawa -Cultural Secretary. La jied ruh ïa ki hynñiew ngut ki Member ka seng.
